“Залуус” авто кросс, бартаат замын уралдаан болно

2018-01-17 04:51

Авто спортын “Мөнгөн шонхор” клуб 2018 оны эхний уралдааныг Дорноговь аймгийн Замын-Үүд суманд зохион байгуулахаар болсноо зарлалаа.

Энэ сарын 21-нд болох "Залуус авто кросс" УАЗ-469 авто машины бартаат замын  уралдааныг авто спортын цолгүй, залуу тамирчдын дунд зохион байгуулах юм байна.

Шинэ оны анхны уралдааны ерөнхий ивээн тэтгэгч нь Монголын авто спорт, аялалын холбоо бол МҮОНТВ мэдээллийн ивээн тэтгэгчээр ажиллана. Уралдаанд одоогоор 50 орчим залуу тамирчин оролцохоор мэдүүлгээ ирүүлжээ.

Эх сурвалж: оллоо.мн

Б.Орхон